Համաշխարհային բանկի խմբի անդամ Միջազգային ֆինանսական կորպորացիան (IFC) կազմակերպում է «ԷՆԵՐԳԱԱՐԴՅՈՒՆԱՎԵՏՈՒԹՅՈՒՆ ԷՔՍՊՈ 2011»-ը, որի նպատակն է ցուցադրել էներգաարդյունավետության ոլորտին վերաբերվող ապրանքներ ու ծառայություններ, որոնք կաջակցեն հայ գործարարներին բարձրացնել իրենց ձեռնարկությունների էներգաարդյունավետությունը: IFC-ի կողմից ֆինանսավորվող «ԷՆԵՐԳԱԱՐԴՅՈՒՆԱՎԵՏՈՒԹՅՈՒՆ ԷՔՍՊՈ 2011»–ը տեղի կունենա մարտի 10-12-ը Մոսկվայի տանը, Երեւանում: Ցուցադրության հիմնական նպատակը Հայաստանի էներգաարդյունավետության շուկայի զարգացումն է փոքր եւ միջին ձեռնարկությունների ոլորտում, էներգաարդյունավետության վերջին նմուշների եւ նորանոր տեխնոլոգիաների ցուցադրումը, արտադրող - սպառող հարաբերությունների ամրապդումը, ինչպես նաեւ էներգաարդյունավետության վերաբերյալ հանրության իրազեկումը: Ցուցադրությունը կազմակերպվում է IFC Հայաստանի Կայուն էներգետիկայի ֆինանսավորման ծրագրի շրջանակներում, որը ֆինանսական աջակցություն է ստանում Ավստրիայի Ֆինանսների նախարարության կողմից: Նախագիծը ներկայացնում է «Էքսպոմեդիա» ցուցահանդեսների նախագծման կենտրոնը:

---