Ավտոպատահար Ալեք Մանուկյան փողոցում. Կան տուժածներ
17-02-2012 11:18:28 | Հայաստան | Մամլո հաղորդագրություն
Փետրվարի 17-ի`ժամը 07.37-ին տեղեկատվություն է ստացվել, որ Երեւան քաղաքի Ալեք Մանուկյան փողոցի թիվ 11 շենքի դիմաց տեղի է ունեցել ավտոպատահար, կան տուժածներ. անհրաժեշտ է փրկարարների օգնությունը:
Դեպքի վայր է մեկնել փրկարարական ուժերի վարչության հատուկ փրկարարական ջոկատի հերթապահ խումբը:
Տեղում պարզվել է, որ Շարոյան Ռոմանին պատկանող «OPEL» մակնիշի 30 ՕՕ 583 պետհամարանիշի ավտոմեքենան դուրս է եկել ճանապարհի երթեւեկելի մասից եւ բախվել ճամփեզրի սյանը:
Դեպքի վայր ժամանած «1-03» ծառայության աշխատակիցների կողմից տուժածներ`1986 թվականին ծնված Ռոման Շարոյանը,1984 թվականին ծնված Թեհմինե Ումիջյանը, 1984 թվականին ծնված Տաթեւիկ եւ 1990 թվականին ծնված Արմինե Սարգսյաները տեղափոխվել են թիվ 1 բժշկական կենտրոն:
Տուժածների առողջական վիճակը գնահատվել է կայուն ծանր: