Մարտի 14-ին Վարդան Օսկանյանը հանդիպեց Արժույթի միջազգային հիմնադրամի (ԱՄՀ) պատվիրակության հետ, որը գլխավորում էր Հայաստանի հարցերով գործադիր տնօրեն պարոն Մենո Սնելը: Հանդիպմանը ներկա էր նաեւ Հայաստանում ԱՄՀ մշտական ներկայացուցիչ Գիերմո Տոլոսան։ Զրույցի հիմնական թեմաներն էին Հայաստանի տնտեսական մարտահրավերները, զարգացման հեռանկարներն ու կանխատեսումները: Անդրադարձ կատարվեց նաեւ ներքաղաքական զարգացումներին եւ առաջիկա խորհրդրանական ընտրություններին: ԱՄՀ պատվիրակության անդամները հետաքրքրված էին նաեւ տարածաշրջանային խնդիրներով` հատկապես Սիրիայում, Իրանում, Ռուսաստանում տեղի ունեցող դեպքերի զարգացումներով եւ Հայաստանի քաղաքական եւ տնտեսական կյանքի վրա դրանց հնարավոր ազդեցությամբ:

---