Փոքր ու միջին ձեռնարկատիրության զարգացումը Հայ ազգային կոնգրեսը հրատապ է համարում, ուստի ՀԱԿ նախընտրական կարգախոսներից մեկն է՝ 500 հազար ձեռներեց Հայաստասնում: Այս մասին լրագրողների հետ մարտի 14-ի հանդիպմանը հայտարարել է Հայաստանի նախկին վարչապետ Հրանտ Բագրատյանը: Նա հայտնել է, որ Հայաստանի Ազգային ժողովի ընտրություններում ՀԱԿ-ի համամասնական ցուցակն արդեն պատրաստ է, եւ հավանաբար ինքը տասնյակում կլինի: «Ցուցակի կազմման աշխատանքներում եղած դժվարությունները ցույց տվեցին, որ եթե չլինի առաջին նախագահ Լեւոն Տեր-Պետրոսյանը, ՀԱԿ-ը գոյություն չի ունենա: Ամեն դեպքում, ցուցակը վերջնական տեսքի է բերել առաջին նախագահը»,- նշել է Հրանտ Բագրատյանը:

---