Մայիսի 6-ին կայանալիք ՀՀ Ազգային ժողովի ընտրություններին դիտորդական առաքելություն իրականացնելու նպատակով Կենտրոնական ընտրական հանձնաժողովում այս պահի դրությամբ հավատարմագրված է տեղական 8 հասարակական կազմակերպությունների 4645 դիտորդ: Ինչպես տեղեկացրեցին ԿԸՀ-ից, «Գերագույն խորհուրդ-պատգամավորական ակումբ» -ը ներկայացնում է 4 դիտորդ, «Ընտրությունը քոնն է»-ն` 1667, «Հելսինկյան քաղաքացիական ասամբլեայի Վանաձորի գրասենյակ»-ը` 27, «Բռունցք»-ը` 581, «Համահայկական երիտասարդական ասոցիացիա»-ն` 746, «Համաչափ զարգացում համայնքային զարգացման»-ը` 466, «Երիտասարդ դիվանագետների ակումբ»-ը` 569, «Իրավակիրթ հասարակություն»-ը` 585 դիտորդ: Ըստ ԱԺ ընտրությունների նախապատրաստման եւ անցկացման հիմնական միջոցառումների ժամանակացույցի, դիտորդների հավատարմագրումը կիրականացվի կամ հավատարմագրված դիտորդների ցանկում փոփոխություններ կկատարվեն մինչեւ ապրիլի 26-ը ներառյալ:

---