Ժնեւ (ԿԽՄԿ) – Կարմիր խաչի միջազգային կոմիտեի (ԿԽՄԿ) Արեւելյան Եվրոպայի եւ Կենտրոնական Ասիայի գործողությունների ղեկավար տիկին Պասկալ Մեժ Վագներն ավարտեց Հայաստան եւ Ադրբեջան կատարած իր տարածաշրջանային այցը: Այցի ընթացքում տիկին Մեժ Վագները հանդիպումներ ունեցավ այդ երկրների պաշտպանության նախարարների եւ արտաքին գործերի նախարարների տեղակալների հետ: Զրույցի թեմաները կենտրոնացած էին Ղարաբաղյան հակամարտության առնչությամբ տարածաշրջանում ԿԽՄԿ-ի գործողությանն ու դերին: ,Իրավիճակը տարածաշրջանում ԿԽՄԿ-ի համար մնում է մտահոգիչ,- ասաց տիկին Մեժ Վագները,- կարիք էր զգացվում հստակեցնելու մեր դերը որպես չեզոք միջնորդ կազմակերպության` ռազմագերիների, քաղաքացիական ներկալվածների եւ աճյունների հայրենադարձման գործընթացներումե: Իր այցի ընթացքում տիկին Մեժ Վագները զրույցներ ունեցավ այլ նախարարությունների եւ ազգային ընկերությունների նախագահների հետ: ԿԽՄԿ-ն իր գործունեությունը ծավալում է Հայաստանում եւ Ադրբեջանում 1992 թվականից ի վեր` օգնություն ցույց տալով եւ պաշտպանելով Ղարաբաղյան հակամարտության հետեւանքով տուժած անձանց եւ համայնքներին:

---