Արցախի Հանրապետության Նախագահ Բակո Սահակյանը մայիսի 7-ին մայրաքաղաքի Վերածննդի հրապարակում մասնակցել է ԼՂՀ փրկարար ծառայությանը դրոշի հանձնման հանդիսավոր արարողությանը: Նախագահը կարեւորել է այդ իրադարձությունը՝ այն համարելով յուրատեսակ մի պատգամ, որն իր մեջ կրում է չափազանց մեծ պատասխանատվություն, պարտքի զգացում եւ աշխատանքին անմնացորդ նվիրվածություն: Երկրի ղեկավարը շնորհավորել է կառույցի աշխատակիցներին եւ նշել, որ փրկարար ծառայությունը համարվում է մեր հանրապետության գլխավոր օղակներից մեկը, որի գործառույթները բավականին լայն են եւ պահանջված երկրի ու ժողովրդի համար: Արարողությանը մասնակցում էին Ազգային ժողովի խոսնակ Աշոտ Ղուլյանը, պաշտոնատար այլ անձինք: Այս մասին «ՆՏ»-ին հայտնեցին Արցախի Հանրապետության նախագահի աշխատակազմի տեղեկատվության գլխավոր վարչությունից:

---