ԵՐԵՎԱՆ, 21 ՀՈՒՆԻՍԻ, ՆՈՅՅԱՆ ՏԱՊԱՆ: Հունիսի 21-ին ՀՀ արտգործնախարար Էդվարդ Նալբանդյանը «Զվարթնոց» օդանավակայանում հանդիպում է ունեցել տարանցիկ այցելությամբ Հայաստան ժամանած Լեհաստանի Սեյմի նախագահ, նախագահի պաշտոնակատար Բրոնիսլավ Կոմորովսկու հետ: Հանդիպմանը քննարկվել են հայ-լեհական երկկողմ հարաբերություններին, Հայաստան-Եվրոպական Միություն համագործակցությանը առնչվող մի շարք հարցեր: Բ.Կոմորովսկին կարեւորել է լեհաստանաբնակ հայերի դերակատարումը Լեհաստանի զարգացման, ինչպես նաեւ` երկու պետությունների միջեւ համագործակցության խթանման գործում: Է.Նալբանդյանն ու Բ.Կոմորովսկին մտքեր են փոխանակել նաեւ տարածաշրջանային զարգացումների շուրջ:

---