Գայանե Սողոմոնյան.«Ակնկալում ենք մեր դպրոցների ակտիվ մանսակցությունը մարզական միջոցառումներին»
07-06-2012 12:20:34 | Հայաստան | Գիտություն եւ տեխնոլոգիաներ
Հայաստանի հանրապետության անկախության 21-րդ տարեդարձին նվիրված դպրոցականների 21-րդ մարզական խաղերի գավաթի խաղակության Երեւանի քաղաքային փուլի եզրափակիչ մրցումների արդյունքներով առաջին տեղը զբաղեցրած Շենգավիթ վարչական շրջանի թիվ 75 եւ 97 դպրոցների աշակերտներին հանձնվել է փոխանցիկ գավաթը: Երեւանի քաղաքապետարանի տեղեկատվության եւ հասարակայնության հետ կապերի վարչությունից հայտնում են, որ մայրաքաղաքի բոլոր վարչական շրջանների դպրոցները գավաթի համար պայքարել են 6 մարզաձեւերում:
Քաղաքապետ Տարոն Մարգարյանի անունից շնորհավորելով աշակերտներին հաղթանակի համար՝ Երեւանի քաղաքապետարանի հանրակրթության վարչության պետ Գայանե Սողոմոնյանը մաղթել է նրանց նորանոր հաղթանակներ եւ համոզմունք հայտնել, որ մրցույթի հանրապետական փուլից եւս աշակերտները կվերադառնան գավաթով:
«Դպրոցականների շրջանում առողջ ապրելակերպին ուղղված ծրագրերը քաղաքապետի մշտական ուշադրության ներքո են: Հետագայում եւս ակնկալում ենք մեր դպրոցների ակտիվ մանսակցությունը մարզական միջոցառումներին»,-նշել է հանրակրթության վարչության պետը: