ՀՀ -ում անհատույց իրականացվող անասնաբուժական միջոցառումները
08-06-2012 16:18:25 | Հայաստան | Տնտեսություն
Պետական պատվերի շրջանակներում Հայաստանի Հանրապետությունում իրականացվող հակահամաճարակային միջոցառումները.
ՀՀ գյուղատնտեսության նախարարության «Անասնաբուժասանիտարիայի, սննդամթերքի անվտանգության եւ բուսասանիտարիայի ծառայությունների կենտրոն» ՊՈԱԿ-ը հանրապետության ազգաբնակչության կողմից տնօրինվող գյուղատնտեսական կենդանիների եւ թռչունների հիվանդությունների դեմ պայքարի նպատակով պետական պատվերի շրջանակներում, անհատույց իրականացնում է հետեւյալ անասնաբուժական միջոցառումները:
1. Ախտորոշիչ միջոցառումներ`
ա) խոշոր եւ մանր եղջերավոր կենդանիների բրուցելյոզ հիվանդության նկատմամբ,
բ) խոշոր եղջերավոր կենդանիների տուբերկուլյոզ հիվանդության նկատմամբ:
2. Պատվաստումներ (կանխարգելիչ միջոցառումներ)`
ա) դաբաղ հիվանդության նկատմամբ`
- խոշոր եղջերավոր կենդանիներին (տարեկան 2 անգամ),
- մանր եղջերավոր կենդանիներին (տարեկան 1 անգամ)
բ) սիբիրախտ հիվանդության նկատմամբ`
խոշոր եւ մանր եղջերավոր կենդանիներին (տարեկան 1 անգամ)
գ) խշխշան պալար հիվանդության նկատմամբ`
- հասակավոր խոշոր եղջերավոր կենդանիներին (տարեկան 2 անգամ),
դ) պաստերելյոզ հիվանդության նկատմամբ`
- 6 ամսականից բարձր խոշոր եղջերավոր կենդանիներին (տարեկան 1 անգամ),
ե) մանր եղջերավոր կենդանիների բրադզոտ հիվանդության նկատմամբ`
- 6 ամսականից բարձր կենդանիներին (տարեկան 2 անգամ),
զ) խոզերի ժանտախտ հիվանդության նկատմամբ`
- բոլոր կենդանիներին (տարեկան 2 անգամ)
է) թռչունների կեղծ ժանտախտ հիվանդության նկատմամբ` - բոլորին (տարեկան 1 անգամ):