Հունիսի 9-ին, ժամը 17.43-ին ահազանգ է ստացվել, որ Սեւան-Գավառ ավտոճանապարհի 6-րդ կմ-ում տեղի է ունեցել ավտոպատահար եւ անհրաժեշտ է փրկարարների օգնությունը:
Դեպքի վայր է մեկնել մեկ մարտական հաշվարկ եւ հատուկ ջրափրկարարական ջոկատը:
Դեռեւս չպարզված հանգամանքներում «ԲՄՎ» մակնիշի 24 ՕՏ 666 պ/հ ավտոմեքենան դուրս է եկել ճանապարհի երթեւեկելի մասից եւ շրջվել Սեւանա լիճը: Զոհեր եւ տուժածներ չկան:
Հրշեջ-փրկարարների եւ ջրափրկարարների ուժերով ավտոմեքենան դուրս է բերվել ճանապարհի երթեւեկելի մաս:
ՀՀ ոստիկանությունից ստացված տվյալների համաձայն` ավտոմեքենայում եղել են վարորդ` Արարատի մարզի Այգեզարդ գյուղի բնակիչ, 1986 թ. ծնված Նորայր Պետրոսյանը եւ Արագածոտնի մարզի Ոսկեհատ գյուղի բնակիչ, 1986 թ. ծնված Գեւորգ Հակոբյանը: