Հունիսի 29-ին Երեւանի Կասկադ համալիրում մեկնարկեց ՀՀ սփյուռքի նախարարության «Իմ Հայաստան» համահայկական փառատոնը:
«Փառատոնին կմասնակցեն Սփյուռքի տարբեր համայնքների պարային համույթների երգչախմբեր, անհատ կատարողներ, դուդուկահարներ»:
«Իմ Հայաստան»-ի ընթացքում խմբերը համերգային ծրագրերով հանդես կգան ոչ միայն Երեւանում, այլեւ Շիրակի, Լոռու, Տավուշի, Գեղարքունիքի, Արագածոտնի, Արմավիրի, Սյունիքի, Կոտայքի, Արարատի, Վայոց Ձորի մարզերում եւ Լեռնային Ղարաբաղի Հանրապետությունում,- ասաց «Իմ Հայաստան» համահայկական փառատոնի ղեկավար Սամվել Հարոյանը: Փառատոնի շրջանակներում կիրականացվեն «Պարարվեստի օրեր», «Երգչախմբային արվեստի օրեր», անհատ կատարողների եւ դուդուկի համահայկական փառատոներ:
«Պարարվեստի օրեր»ի շրջանակներում ելույթներով հանդես կգան 11 պարախմբեր 7 երկրներից` Վրաստանից, Ուկրաինայից, Ռուսաստանից, Բելառուսից, Լիտվայից, Իրանից, Լիբանանից, Թուրքիայից, Սիրիայից, Հորդանանից, Կանադային, ԱՄՆ-ից: