Աուդրոնիուս Աժուբալիս. «Մարտիմեկյան դեպքերի գործերով բանտարկյալների ազատ արձակումը կնպաստի բարեփոխումների գործընթացին»
18-03-2011 13:50:07 | Հայաստան | Քաղաքական
Պետք է բացառել Հայաստանում մարտիմեկյան դեպքերի կրկնությունը, իսկ հիշյալ գործերով բանտարկյալների ազատ արձակումը կնպաստի Հայաստանում բարեփոխումների գործընթացին։ Այս մասին մարտի 18-ի ասուլիսում հայտարարեց տարածաշրջանային այցով Հայաստանում գտնվող ԵԱՀԿ գործող նախագահ, Լիտվայի արտգործնախարար Աուդրոնիուս Աժուբալիսը։
Նա զգալի առաջընթաց արձանագրեց Հայաստանում դատաիրավական եւ սոցիալ-տնտեսական բարեփոխումների գործընթացում։ Միաժամանակ Աուդրոնիուս Աժուբալիսը կարեւոր համարեց, որպեսզի փոփոխություններ կատարվեն զանգվածային միջոցառումների եւ Հեռուստատեսության ու ռադիոյի մասին օրենքներում, իսկ ընտրական օրենսգրքում փոփոխություններ կատարելիս հաշվի առնվեն այդ օրենքների փոփոխությունների առաջարկները։