Վիեննայում ՀՀ դեսպանը մասնակցեց Վիեննայի միջազգային լուսանկարչության մրցանակաբաշխության հանդիսավոր արարողությանը
16-11-2012 19:00:26 | Ավստրիա | Մշակույթ
Նոյեմբերի 15-ին Վիեննայում ՀՀ դեսպան Արման Կիրակոսյանը մասնակցեց Ավստրիայի մայրաքաղաքում տեղի ունեցած Վիեննայի միջազգային լուսանկարչության մրցանակաբաշխության հանդիսավոր արարողությանը եւ ցուցահանդեսին (VIPA):
Ինչպես տեղեկացնում են ՀՀ ԱԳՆ մամուլի, տեղեկատվության եւ հասարակայնության հետ կապի վարչությունից, մրցանակաբաշխությանը մասնակցեցին աշխարհի 63 երկիր ներկայացնող լուսանկարիչներ: Առաջին մրցանակի հաղթող ճանաչվեց իտալուհի լուսանկարիչ Անտոնելլա Մոնցոնին` իր «Վիրավոր Հայաստան» վավերագրական լուսանկարչական շարքով, որը նվիրված է 1915թ. Հայոց ցեղասպանության, 1988թ. Սպիտակի երկրաշարժի եւ Ղարաբաղյան պատերազմի հետեւանքները վերապրած Հայաստանին: