Արոնյանը հաղթեց Հիկարու Նակամուրային. Մովսիսյանը ոչ ոքի խաղաց
26-01-2013 15:23:44 | Նիդեռլանդներ | Սպորտ
Հոլանդիայի Վեյկ ան Զեե քաղաքում շարունակվում է Tata Steel շախմատային ամենամյա փառատոնը: A մրցաշարում պայքարը շարունակում է Լևոն Արոնյանը:
Երեկ կայացել է 11-րդ տուրը, որտեղ Արոնյանի հակառակորդն էր Հիկարու Նակամուրան, ում դեմ հայ գրոսմայստերը պայքարում էր սև խաղաքարերով:
Մեր շախմատիստին հաջողվեց 48-րդ քայլին պարտիան հաղթանակով ավարտել:
Տասնմեկ տուրից հետո Հայաստանի առաջին գրոսմայստերը 7.5 միավոր ունի:
Փառատոնի B մրցաշարում պայքարը շարունակում է Սերգեյ Մովսիսյանը: Մրցաշարի 11-րդ տուրում Մովսիսյանի հակառակորդն էր Յան Սմիթսը, ում հետ Մովսիսյանը ոչ ոքի խաղաց սև խաղաքարերով:
Պարտիան խաղաղ ելքով ավարտվեց 24-րդ քայլին:
Տասնմեկ տուրից հետո Մովսիսյանն իր ակտիվում 7.5 միավոր ունի: