«Սոցիալական մեդիաների կիրառումը քաղաքացիական լրագրության մեջ» թեմայով սեմինար` «Նոյյան Տապան»-ում
27-01-2013 11:00:00 | Հայաստան | Մամուլի սրահ
Հունվարի 27-ի, ժամը՝ 10:30-ին «Նոյյան Տապան» լրատվական կենտրոնում տեղի ունենցավ սեմինար՝ «Սոցիալական մեդիաների կիրառումը քաղաքացիական լրագրության մեջ» թեմայով:
Հյուրերն են՝ Սիլվա Վարդանյան - «Զարթոնք-89» ԲՀԿ նախագահ
Սամվել Մարտիրոսյան –սեմինարավար:
Թեմայի վերաբերյալ.
Զարթոնք-89 Հասարակական կազմակերպությունը և Երիտասարդ լրագրողների առցանց ակումբը իրականացնում են «Ինձ էլ գրիչ տվեք» ծրագիրը, որն ուղղված է ՀՀ մարզերում 14-18 տարեկան երիտասարդների շրջանում մեդիա լրագրության և ՏՀՏ ոլորտի զարգացմանը, ինչպես նաև Առցանց ակումբի ընդլայնմանը:
Ծրագիրը ֆինանսավորվել է ՀՀ Սպորտի և Երիտասարդության հարցերի նախարարության կողմից:
Ստացվել են սեմինարի մասնակցության 65 հայտ մարզերից և Երևանից, որոնցից ընտրվել են լավագույն հայտեր ներկայացրած 30 մասնակիցներ՝ ելնելով հետևյալ չափանիշներից. մասնակցի տարիք, հայտ լրացնելու գրագիտություն և որակ, լրագրության ոլորտում փորձ կամ հետաքրքրություն և մեդիա ոլորտում որոշակի գիտելիքների առկայություն: