ՀՀ կրթության եւ գիտության նախարարության, Համաշխարհային հայկական կոնգրեսի եւ Ռուսասատանի հայերի միության նախաձեռնությամբ, մարտի 15-ից  հուլիսի 15-ը կայանալու է «Մենք եղել ենք, մենք կանք, մենք կլինենք» խորագրով լավագույն գրական ստեղծագործության միջազգային մրցույթ: Մրցույթին մասնակցելու հնարավորություն ունեն ինչպես Հայասատանի Հանապետության, այնպես էլ Արցախի եւ Սփյուռքի 9-12-րդ դասարանների աշակերտները և ուսանողները: Ինչպես «Արմենպրես»-ին տեղեկացրին ՀՀ կրթության եւ գիտության նախարարությունից, «Երևանը  համայն հայության մայրաքաղաքն է» թեմայով մրցույթի նպատակն է Հայաստանի, Արցախի և հայկական սփյուռքի սովորող երիտասարդությանն ավելի մոտիկից հաղորդակից դարձնել Երևանի պատմությանը, զարգացման հեռանկարներին, ինչպես նաեւ Հայաստան–Սփյուռք գործակցության ամրապնդման, աշխարհով մեկ սփռված հայությանը համազգային շահերի շուրջ համախմբման գործընթացներում քաղաքամայր Երևանի նոր դերակատարմանը: 

---