Համագործակցության հուշագիր ՀՀ առողջապահության նախարարության Երևանի հայ-ամերիկյան Էրեբունի պետական բժշկական քոլեջի, ԴԱՆ Միության և «Ջի Էքս Պի» Գերազանցության Կենտրոնի միջև

26-03-2013 16:52:32 | Հայաստան | Մշակույթ

2013 թվականի սեպտեմբերի 18-20-ին կայանալիք Հայաստանի երկրորդ միջազգային բուժքույրական համագումարին ընդառաջ, 2013 թվականի մարտի 26-ին, ՀՀ առողջապահության նախարարության Երևանի հայ-ամերիկյան Էրեբունի պետական բժշկական քոլեջի, Հայաստանի դեղ արտադրողների և ներմուծողների միության և «Ջի Էքս Պի» Գերազանցության Կենտրոնի ներկայացուցիչների միջև ստորագրվել է համագործակցության հուշագիր։

Համագործակցության հուշագիրը նպատակ ունի էլ ավելի ամրապնդել ՀՀ առողջապահության նախարարության Երևանի հայ-ամերիկյան Էրեբունի պետական բժշկական քոլեջի, «Ջի Էքս Պի» Գերազանցության Կենտրոնի և ԴԱՆ Միության միջև նկատելի համագործակցությունը։

Հուշագիրը նպատակ ունի նպաստելու.

• ԴԱՆ Միության անդամ դեղագործական կազմակերպություններում ուսանողների արտադրական պրակտիկայի անցկացմանը։

• ԴԱՆ Միության ինտերնետային կայքում երիտասարդ մասնագետների տվյալների բազայում ուսանողների ինքնակենսագրականների տեղադրմանը։

• Եվրոպական միության պատշաճ գործունեության չափանիշների վերաբերյալ համապատասխան մասնագիտական վերապատրաստման դասընթացների անցկացմանը

«Ջի Էքս Պի» Գերազանցության Կենտրոնում։

• Երեք կառույցների միջև համագործակցությանը՝ գիտահետազոտական աշխատանքների և տարբեր ուսումնասիրությունների անցկացման գործընթացներում։

• Միջազգային հեղինակավոր բուհերի և գիտական կենտրոնների հետ կապերի հաստատմանը և համագործակցության զարգացմանը։

• Երեք կազմակերպությունների մասնագետների գիտական հոդվածների և հետազոտությունների տպագրությանը ԴԱՆ Միության «Ֆարմա» դեղագործական գիտագործնական հանդեսում:

Համագործակցության հուշագրով նախատեսված ծրագրերի իրականացման շրջանակներում կողմերը ամրագրում են փոխադարձ պարտավորություններ ու գործողություններ:

Նոյյան տապան - Մշակույթ

Կարդացել են 1149 անգամ

https://s1.merlive.am/Noian_Tapan/embed.html?autoplay=false&play

Noyan Tapan TV