Նախկին գյուղապետը չարաշահելով պաշտոնեական
լիազորությունները` կեղծ աճուրդով վաճառել է Կարմրավանի անասնագոմը
21-02-2011 20:36:00 | Հայաստան | Հասարակություն
ԳՅՈՒՄՐԻ, 21 ՓԵՏՐՎԱՐԻ, ՆՈՅՅԱՆ ՏԱՊԱՆ: Շիրակի մարզի
դատախազությունում հարուցվել է քրեական գործ` համայնքի ղեկավարի
կողմից պաշտոնեական լիազորությունները չարաշահելու դեպքի առթիվ:
Նյութերի ուսումնասիրությամբ պարզվել է, որ Շիրակի մարզի
Կարմրավան գյուղի բնակիչ Ա.Կարապետյանը 2001-2007թթ.-ին աշխատել է
որպես Կարմրավան համայնքի ղեկավար: 2004թ.-ի օգոստոսի 9-ին նա կեղծ
աճուրդ-վաճառք կազմակերպելու եւ անցկացնելու միջոցով Կարմրավան
համայնքին պատկանող թիվ 3-րդ կիսաքանդ անասնագոմը վաճառել է նույն
գյուղի բնակիչ Գ.Հարությունյանին` արդյունքում համայնքին
պատճառելով 1,85 մլն դրամի նյութական վնաս:
«ՆՏ»-ին հայտնեցին ՀՀ Գլխավոր դատախազության Հանրային կապերի
վարչությունից, փաստի առթիվ Շիրակի մարզի դատախազությունում
հարուցվել է քրեական գործ` ՀՀ քրեական օրենսգրքի 308-րդ հոդվածի
2-րդ մասով: Կատարվում է նախաքննություն: