Սոնան հանդես եկավ համերգով Ծաղկաձորում և Գյումրիում
12-04-2013 06:17:42 | Հայաստան | Մշակույթ
Ապրիլի 6-ին Ծաղկաձորի Գոլդեն Փելիս հյուրանոցում, իսկ ապրիլի 9-ին Գյումրիի Վարդան Աճեմյանի անվան դրամատիկական թատրոնի դահլիճում երգչուհի Սոնան հանդես եկավ համերգով: Հանդիսատեսը երգչուհուն ընդունեց մեծ ոգևորությամբ և չդադարող ծափահարություններով: ՍՈՆԱ-ի երկար սպասված հանդիպումը հանդիսատեսի հետ ընթացավ ջերմ մթնոլորտում:
Ծաղկաձորում ՍՈՆԱ-ն առաջինը շնորհավորեց հայուհիներին մայրության և գեղեցկության տոնի տոնի առթիվ:
Տոնական համերգների ընթացքում երգչուհի Սոնան իր հանդիսատեսի համար պատրաստել էր անակնկալ:
Միջոցառման կազմակերպիչները տոնական երեկոյի ընթացքում հյուրերի համար պատրաստել էին շքեղ շոու-ծրագիր, որի ընթացքում ելույթ ունեցավ երգիչ Ջորջը (Գևորգ Չոպուրյան), իսկ կեսգիշերից հետո միջոցառումը շարունակվեց հյուրանոցի Դիսկո Ակումբում ճանաչված DJ HAYK SOLAR-ի հետ:
Տոնական երեկոյի ընթացքում միջոցառման կազմակերպիչներն ու գործընկերները կանանց և աղջիկների համար ևս պատրաստել էին մի շարք անակնկալներ` նվերների տեսքով:
Միջոցառման հանդիսավարն էր Հակոբ Հակոբյանը:
Ապրիլ 7-յան տոնական միջոցառման կազմակերպիչներն էին «SPRING» PR ընկերությունը և Golden Palace Resort & SPA *****GL հյուրանոցը: