ԱԱԽ քարտուղարն անհրաժեշտ է համարում հակակարկտային կուռ համակարգի ստեղծումը
30-05-2013 14:25:13 | Հայաստան | Տնտեսություն
Ազգային Անվտանգության խորհրդի (ԱԱԽ) քարտուղար Արթուր Բաղդասարյանի համոզմամբ, կարկուտից տուժած գյուղացիներին օգնելու նպատակով անցկացվող հանգանակությամբ խնդիրը չի լուծվի. ըստ նրա, պետք է ստեղծել հակակարկտային կուռ համակարգ՝ միասնական կառավարման մեխանիզմով: Մայիսի 30-ի լրագրողների հետ հանդիպման ընթացքում Ա.Բաղդասարյանը տեղեկացրեց, որ հունիսիսն սկսվելու է դիտարկումը, որից հետո կստեղծվի մեկ ընդհանուր հակակարկտային կայանի համակարգ: Նա նշեց, որ երկրում պետք է ձեւավորվի գյուղատնտեսության ապահովագրման համակարգը, որը կթեթեւացնի գյուղացիների հոգսերը: