Հայաստանը չի մասնակցի «Եվրատեսիլ-2011»-ի եզրափակիչ փուլին
11-05-2011 02:12:26 | Գերմանիա | Մշակույթ
Քվեարկության արդյունքներով Հայաստանը ներկայացնող երգչուհի Էմմին չանցավ «Եվրատեսիլ-2011» երգի մրցույթի եզրափակիչ փուլ:
Մրցույթի առաջին կիսաեզրափակիչ փուլից եզրափակիչ փուլ անցան Սերբիայի, Լիտվայի, Հունաստանի, Ադրբեջանի, Վրաստանի, Շվեյցարիայի, Հունգարիայի, Ֆինլանդիայի, Ռուսաստանի, Իսլանդիայի մասնակիցները:
Նշենք, որ առաջին կիսաեզրափակչին մասնակցում էին Լեհաստանի, Նորվեգիայի, Ալբանիայի, Հայաստանի, Թուրքիայի, Սերբիայի, Ռուսաստանի, Շվեյցարիայի, Վրաստանի, Ֆինլանդիայի, Մալթայի, Սան Մարինոյի, Խորվաթիայի, Իսլանդիայի, Հունգարիայի,Պորտուգալիայի, Լիտվայի, Ադրբեջանի եւ Հունաստանի ներկայացուցիչները:
Գերմանիայի Դյուսելդորֆ քաղաքում անցկացվող «Եվրատեսիլ-2011» միջազգային երգի մրցույթի երկրորդ կիսաեզրափակիչը տեղի կունենա մայիսի 12-ին, իսկ եզրափակիչը` մայիսի 14-ին: