Հայաստանի նախագահի աշխատակազմի ղեկավար Կարեն Կարապետյանը եւ Ռուսաստանի Դաշնության նախագահի աշխատակազմի ղեկավար Սերգեյ Նարիշկինը նոյեմբերի 29-ի հանդիպմանը կարեւորել են ամիսներ առաջ ՌԴ նախագահի Հայաստան կատարած պետական այցի շրջանակներում ստորագրված փաստաթղթերն ու ձեռք բերված պայմանվորվածությունները, որոնք միտված են առավել ամրապնդելու եւ զարգացնելու երկկողմ կապերը, ընդլայնելու տարբեր ոլորտներում համագործակցությունը: Հանդիպմանը Կ.Կարապետյանն իր ռուս գործընկերոջ հետ քննարկել է ինչպես երկու երկրների ղեկավարների աշխատակազմերի, այնպես էլ դրանց առանձին ստորաբաժանումների միջեւ համագործակցությանն առնչվող հարցեր:

---