Քաղաքապետ Տարոն Մարգարյանը ևս 19 բնակարանների բանալիներ է հանձնել բնակիչներին
28-12-2013 18:39:52 | Հայաստան | Տնտեսություն
Երևանի քաղաքապետ Տարոն Մարգարյանը 4-րդ կարգի վթարայնության շենքերում ապրող ևս 19 ընտանիքների ներկայացուցիչների 1, 2 և 3 սենյականոց բնակարանների բանալիներ է հանձնել Երևանի քաղաքապետարանում կայացած ընդունելության ժամանակ:
Շնորհավորելով ներկաներին երկար տարիներ սպասված բնակարանամուտի, ինչպես նաև գալիք Ամանորի և Սուրբ ծննդյան տոների կապակցությամբ, քաղաքապետը վստահեցրել է, որ Երևանի քաղաքապետարանի աշխատակազմը շարունակելու է անել հնարավորը` երևանցիների առջև ծառացած, այդ թվում նաև 4-րդ կարգի վթարայնության շենքերի բնակիչների բնակարանային խնդիրները կարգավորելու ուղղությամբ:
Քաղաքացիներն էլ իրենց հերթին շնորհակալություն են հայտնել Տարոն Մարգարյանին՝ վթարային բնակարաններում երկար տարիներ ապրելուց հետո, տարեմուտի նախաշեմին, իսկապես երկար սպասված նոր բնակարաններով իրենց ապահովելու համար:
Երևանի քաղաքապետարանի տեղեկատվության
և հասարակայնության հետ կապերի վարչություն