ԱՄՆ Ազգային Անվտանգության Գործակալությունը պատրաստվում է ստեղծել քվանտային համակարգիչ
03-01-2014 16:40:29 | ԱՄՆ | Գիտություն եւ տեխնոլոգիաներ
ԱՄՆ Ազգային Անվտանգության Գործակալության (ԱԱԳ) նախկին աշխատակից Էդուարդ Սնոուդենը օրերս բացահայտել է, որ ԱԱԳ-ը պատրաստվում է ստեղծել քվանտային համակարգիչ ,որը գործակալությանը հնարավորություն կտա ձեռք բերել բանկային, բժշկական, պետական ու առևտրական ոլորտների գերգաղտնի ինֆորմացիաներ, գրում է «Վաշինգտոն Պոստ» թերթը հունվարի 2-ի համարում:
ՏՏ բնագավառի խոշոր ընկերությունները երկար ժամանակ է, ինչ փորձում են ստեղծել քվանտային համակարգիչներ, որպեսզի կարողանան թափ հաղորդել համակարգիչների արագությանը և մեծացնել դրանց անվտանգությունը: Փորձագետների գնահատմամբ՝ ԱՄՆ Ազգային անվտանգության գործակալությունն առանց այդ երկրի տեղեկատվական համայնքի իրազեկման, չի կարող նման սարք ստեղծել:
ԱՄՆ Ազգային անվտանգության գործակալությունը դեռևս չի արձագանքել Սնոուդենի այդ բացահայտմանը: