Մենք դատապարտված ենք հավերժական թվացյալ հեղափոխության
20-01-2014 16:19:12 | Հայաստան | Վերլուծություն
Հունվարի 18-ին Երեւանում անցկացված հանրահավաքը ապացուցեց, որ մեր քաղաքացիները պատրաստ են անտեսել բնության ցուրտն ու իշխանությունների կամակորությունը՝ հանուն իշխանափոխության: Սակայն դրա համար անհրաժեշտ 3 բաղադրիչներից առկա էր միայն մեկը՝ այն է ժողովրդի պատրաստակամությունը: Այլ կերպ ասած՝ կա հասարակական պահանջ: Մինչդեռ անհրաժեշտ են նաեւ մինչեւ վերջ մշակված ծրագիր կամ ճանապարհային քարտեզ, եւ իհարկե պատասխանատու անձ՝ ղեկավար կամ առաջնորդ, որին ցավոք չենք տեսնում:
Ավելին. շարունակվում են զուգահեռ անցկացվող հանրահավաքները՝ տարբեր ուժերի կամ նույնիսկ անձերի կողմից կազմակերպված: Այսպես, լուրեր են տարածվում, որ մի քանի օրից էլ քաղաքական կուսակցություններից մեկի կազմակերպած մեկ այլ հանրահավաք է անցկացվելու: Անմիջապես հիշում ես տարիներ առաջ զուգահեռ անցկացվող հանրահավաքները, որոնք միայն խանգարեցին իրար, իսկ ավելի ճիշտ՝ ուժեղացրեցին իշխանություններին: Եթե այդ նույն նպատակով են անցկացվում նաեւ ներկայիս հանրահավաքները, ապա մենք դատապարտված ենք հավերժական թվացյալ հեղափոխության եւ բավարարվելու ենք հայերիս չմիավորվելու հավարժական ինքնաքննադատությամբ:
«Կարծիք հայության» հասարակական կազմակերպության նախագահ
ՀԱՅԵՐԵՆ
Русский
English
Դաս. հայերեն
French
