11 ռուսների ու ուկրաինացիների նկատմամբ պատժամիջոցներ կիրառվեն
18-03-2014 12:02:51 | ԱՄՆ | Միջազգային
Միջազգային հանրությունն արդեն հայտարարել է Ռուսաստանի նկատմամբ պատժամիջոցների կիրառման մասին։ Ռուսաստանի Դաշնության նախագահ Վլադիմիր Պուտինը երկուշաբթի ուշ երեկոյան հրամանագիր ստորագրեց Ղրիմը անկախ պետություն ճանաչելու մասին։
Սպիտակ տունը երեկ հայտարարել է 11 ռուսների ու ուկրաինացիների նկատմամբ պատժամիջոցներ կիրառելու մասին։ Դրանք ներառում են նրանց բանկային հաշիվների սառեցում ԱՄՆ-ում և վիզայի սահմանափակում։
Ցանկի մեջ են Վլադիմիր Պուտինի օգնական Վլադիմիր Սուրկովը, խորհրդական Սերգեյ Գլազևը, կառավարության ղեկավարի տեղակալ Դմիտրի Ռոգոզինը և Դաշնային խորհրդի ղեկավար Վալենտինա Մատվիենկոն։
«Ազատություն» ՌԿ-ն հայտնում է, որ ԱՄՆ նախագահ Բարաք Օբաման հեռուստաելույթում շեշտել է, որ հետագա սադրանքները կհանգեցնեն Ռուսաստանի էլ ավելի մեկուսացման և բացասաբար կանդրադառնան նրա կարգավիճակին աշխարհում։