Արձանագրվել է ուղևորահոսքի 19 տոկոս աճ`«Զվարթնոցում»

04-04-2014 11:07:05 | Հայաստան | Տնտեսություն

Վերջին վեց ամիսներին օդային փոխադրումների ոլորտում առկա է և ուղևորների թվի, և չվերթերի թվի կանոնավոր աճ: Սա ՀՀ կառավարության կողմից հայտարարված <բաց երկնքի> քաղաքականության արդյունք է:

2014թ. մարտին, 2013թ. նույն ժամանակահատվածի համեմատ <Զվարթնոցում> ուղևորահոսքն ավելացել է 19 տոկոսով: Եթե 2013թ մարտին <Զվարթնոց> միջազգային օդանավակայանի ծառայություններից օգտվել է 102 295 ուղևոր, ապա 2014թ մարտի ցուցանիշը կազմում է 122 056 ուղևոր:

Չվերթերի աճը այդ ժամանակահատվածում կազմել է 17 տոկոս: 2014թ. մարտին կատարվել է 1517 չվերթ` նախորդ տարվա նույն ժամանակահատվածի 1295 չվերթի համեմատ:

Եթե 2013թ. մարտին դեպի <Զվարթնոց> կանոնավոր չվերթեր իրականացնում էին 27 ավիաընկերություններ, ապա այժմ դրանց թիվը 33 է: Բացի այդ ավիաընկերություններից շատերն ավելացրել են իրենց հաճախականությունները բոլոր ուղղություններով, ինչը հանգեցրել է ավիատոմսերի գնի նվազմանը:

Ուղևորների թիվը 2014թ. մարտին

Տարբերությունը տոկոսային հարաբերությամբ

Ժամանող 48 041 55 377 + 15 %

Մեկնող 54 874 66 679 + 22 %

Ընդամենը 102 915 122 056 + 19 %

Զվարթնոց միջազգային օդանավակայան. ավելի շատ չվերթեր, ավելի լավ պայմաններ ուղևորների համար:

<Արմենիա Միջազգային Օդանավակայաններ> ՓԲԸ

Նոյյան տապան - Տնտեսություն