Կգույքագրվեն մայրաքաղաքի մայթերին առկա աղբամանները
05-05-2014 16:47:45 | Հայաստան | Տնտեսություն
Աշխատանքային հերթական խորհրդակցության ժամանակ քաղաքապետ Տարոն Մարգարյանը փողոցների, զբոսայգիների և այլ տարածքների մաքրման աշխատանքներն առավել արդյունավետ կազմակերպելու նպատակով հանձնարարել է կազմակերպել շաբաթօրյակներ՝ ներգրավելով քաղաքապետարանի ենթակայության բոլոր կառույցների աշխատակիցներին:
Երևանի քաղաքապետարանի տեղեկատվության և հասարակայնության հետ կապերի վարչությունից հայտնում են, որ հանձնարարվել է գույքագրել նաև մայթերին առկա աղբամաններն ու, ըստ անհրաժեշտության, լրացնել դրանց քանակը նոր աղբամաններով: