Շարունակվում են վերանորոգվել մայրաքաղաքի բազմաբնակարան շենքերի մուտքերը
06-05-2014 11:25:35 | Հայաստան | Տնտեսություն
Մայրաքաղաքի բազմաբնակարան շենքերի մուտքերի նորոգման նախորդ տարիներին մեկնարկած ծրագիրը շարունակվում է նաև այս տարի: Երևանի քաղաքապետ Տարոն Մարգարյանի հանձնարարությամբ 2014 թվականին ևս գործընթացին կցուցաբերվի համալիր մոտեցում: Կնորոգվեն ոչ թե միայն շենքերի մուտքերը, այլև շքամուտքերն ամբողջությամբ: Քաղաքապետարան - վարչական շրջան - համատիրություն եռակողմ ծրագրի արդյունքում նորոգված շքամուտքերի թիվը մինչև տարեվերջ կավելանա ևս 727-ով: Երևանի քաղաքապետարանի տեղեկատվության և հասարակայնության հետ կապերի վարչությունից հայտնում են, որ ներկայում ծրագրում ներառված նորոգման ենթակա շքամուտքերից 57- ում աշխատանքներն ավարտվել են, 76-ում` ընթացքի մեջ են: