Ֆրանսիացի ֆուտբոլիստ Կարիմ Բենզեման գոհ չէ Մադրիդում իր զբաղեցրած տեղի համար, բայց ակումբը վճռական է տրամադրված` շնորհալի հարձակվողին թիմում պահելու հարցում:
Ըստ իսպանական Մարկայի` չնայած մի շարք արտասահմանյան ակումբներ հետաքրքրվում են հարձակվողով, Մադրիդի «Ռեալ»-ը կպահի նրան:
Ֆրանսիացին փայլուն մարզավիճակում է 2011 թվականից, սակայն զարմանալիորեն չի մասնակցել Իսպանիայի Գավաթի եզրափակչին եւ Բարսելոնայի դեմ Չեմպիոնների Լիգայի խաղերին գլխավոր մարզիչ Ժոզե Մոուրինիոյի ցանկությամբ:
Այնուամենայնիվ, Մադրիդյան թիմը շեշտել է , որ ցանկանում է պահել 23-ամյա հարձակվողին` հաջորդ մրցաշրջանում լավ խաղ ապահովելու համար:
Հիշեցնենք, որ Բենզեման «Ռելաին» է միացել 2009 թվականի ամռանը` Լեոնի «Օլիմպիկից»: