Բեւեռլի Հիլզում տեղի կունենա «Փարաջանով-Վարդանով» ամենամյա
առաջին մրցանակաբաշխությունը
15-04-2010 17:45:00 | ԱՄՆ | Մշակույթ
ԲԵՎԵՌԼԻ ՀԻԼԶ, 15 ԱՊՐԻԼԻ, ՆՈՅՅԱՆ ՏԱՊԱՆ-ՀԱՅԵՐՆ ԱՅՍՕՐ:
Արվեստագետների կյանքում կանանց դերն արժեւորելու նպատակով
սահմանված «Փարաջանով-Վարդանով» մրցանակների առաջին ամենամյա
մրցանակաբաշխությունը տեղի կունենա ապրիլի 18-ին Բեւեռլի Հիլզում:
Այս տարվա մրցանակակիրներն են կինոռեժիսորներ Սերգեյ Փարաջանովի եւ
Միխայիլ Վարդանովի տիկնայք` Սվետլանա Շչերբատյուկը եւ Սվետլանա
Մանուչարյանը: Տիկ. Փարաջանովը եւ տիկ. Վարդանովան թիկունք են եղել
իրենց ամուսիններին նրանց կյանքի բարդ պահերին եւ նաեւ մեծ դեր են
ունեցել այդ փառահեղ կինոնկարների ստեղծման մեջ: Բեւեռլի Հիլզի
կինոփառատոնի հիմնադիր Նինո Սիմոնեն նույնպես կպարգեւտրվի
«Փարաջանով-Վարդանով» մրցանակով: Մրցանակաբաշխությունից հետո Լոս
Անջելեսի Կալիֆորնիայի համալսարանի (UCLA) «Ջեյմս Բրիջս» թատրոնում
կցուցադրվի Վարդանովի «Փարաջանով. վերջին գարունը» վավերագրական
կինոնկարը, որին կհաջորդի դասական համերգ եւ լուսանկարչական
ցուցահանդես: Ինչպես տեղեկացնում է «Կռունկը», ցուցադրման
աջակիցներն են UCLA-ի հայագիտական ծրագիրը, UCLA-ի հայագիտական
ուսումնասիրությունների բարեկամներ կազմակերպությունը, Եվրոպական
եւ եվրասիական ուսումնասիրությունների կենտրոնը: