«Էրեբունի-Երևան 2796» տոնակատարության միջոցառումների շրջանակում Երևանի քաղաքապետարանին հարակից հրապարակում տեղի ունեցած հանդիսությունից հետո քաղաքապետ Տարոն Մարգարյանը տոնական շքերթի շուրջ 25 հազար մասնակիցների ուղեկցությամբ հանդիսավոր քայլերթով շարժվեց դեպի Հանրապետության հրապարակ: Տոնական քայլերթի երթուղում՝ Գրիգոր Լուսավորիչ-Մաշտոց խաչմերուկում, շքերթի մասնակիցներին իրենց կատարումներով ողջունեցինն պարային խմբերը, որոնք նաև պարի հրավիրեցին շքերթը գլխավորող պաշտոնյաներին ու Երևանի պատվավոր քաղաքացիներին: Տոնական համարներով շքերթի մասնակիցներին  ողջունեցին երևանյան կրկեսի արտիստներն ու մարզամշակութային համույթները: Ազգային տարազով գեղեցկադեմ աղջիկներն էլ շքերթի մասնակիցներին հյուրասիրել են Արարատյան դաշտավայրի բարիքներով: Քայլերթի ամբողջ ընթացքում մայրաքաղաքի բնակիչներն իրենց շնորհավորանքներն ու բարեմաղթանքները փոխանցեցին քաղաքապետին:

Միջոցառման լուսանկարներն այստեղ

---