Հայաստանի եւ Թուրքմենստանի միջեւ տնտեսական
համագործակցության միջկառավարական հանձնաժողովի երրորդ նիստը
կանցկացվիլ Աշխաբադում` 2011թ.-ին
08-04-2010 15:24:00 | Հայաստան | Տնտեսություն
ԵՐԵՎԱՆ, 8 ԱՊՐԻԼԻ, ՆՈՅՅԱՆ ՏԱՊԱՆ: Հայ-թուրքմենական
միջկառավարական հանձնաժողովի երկրորդ նիստի ավարտին հանձնաժողովի
հայկական կողմի նախագահ, ՀՀ էներգետիկայի եւ բնական պաշարների
նախարար Արմեն Մովսիսյանը եւ թուրքմենական կողմի համանախագահ,
Թուրքմենստանի փոխվարչապետ Խըդըր Սափարալիեւը ստորագրել են ՀՀ-ի եւ
Թուրքմենստանի միջեւ տնտեսական համագործակցության միջկառավարական
հանձնաժողովի երկրորդ նիստի արձանագրությունը:
Թուրքմենստանի փոխվարչապետը հայտնեց, արձանագրությամբ
նախատեսվում է զարգացնել հարաբերություններ գյուղատնտեսության,
էներգետիկայի, քիմական արդյունաբերության, մշակութային եւ այլ
ընդհանուր առմամբ 12 ուղղություններով: Խ.Սափարալիեւի գնահատմամբ,
մեկ տարում կատարվել է կոնկրետ աշխատանք, կան համապատասխան
արդյունքներ:
Ըստ Ա.Մովսիսյանի, ընդունված որոշումները շատ կարեւոր են եւ
հետագայում կնպաստեն երկու երկրների միջեւ փոխշահավետ
համագործակցության զարգացմանը: «Հայաստանը մեծ նշանակություն է
տալիս Թուրքմենստանի հետ հարաբերություններին, եւ հանձնաժողովի
նիստը լրացուցիչ դինամիկա կհաղորդի դրանց»,- նշել է Ա.Մովսիսյանը:
Կողմերը պայմանավորվեցին հանձնաժողովի երրորդ նիստն անցկացնել
Աշխաբադում` 2011թ.-ին: