Հոկտեմբերի 25-ից 31-ն անցկացվում է ReAnimania անիմացիոն ֆիլմերի 6-րդ միջազգային փառատոնը: Բրիտանական խորհուրդը փառատոնին ներկայացնում է Էդինբուրգի ֆիլմերի միջազգային փառատոնի McLaren Awards-ին նոմինացված անիմացիոն ֆիլմերը:
Առաջին անգամ այս մրցանակը սահմանվել է 1990 թվականին և արդեն ավելի քան երկու տասնամյակ է, ինչ այն տրվում է Միացյալ Թագավորության անիմացիոն արվեստի ոլորտում ստեղծարար և նորարար ֆիլմերի հեղինակներին: Մրցանակը սահմանվել է հանրահայտ շոտլանդացի անիմատոր Նորման Մքլարենի պատվին: Այս տարի լրանում է Նորման Մքլարենի 100-ամյակը: Այս առթիվ կազմվել է Մքլարեն 2014 ծրագիրը:
Այդ ծրագրում ընդգրկված 22 կարճամետրաժ անիմացիոն ֆիլմերը Բրիտանական խորհուրդը ReAnimania փառատոնին կներկայացնի երկու մասով` հոկտեմբերի 26-ին, 28-ին և 30-ին:
Հոկտեմբերի 26-ին ժամը 13.00-ին Նարեկացի արվեստի կենտրոնում ցուցադրվեց Մքլարեն 2014 ծրագրի առաջին մասը: Ցուցադրվեց 11 կարճամետրաժ անիմացիոն ֆիլմ: Նույն օրը ժամը 17.30-ին
Մոսկվա կինոթատրոնի Փոքր սրահում տեղի ունեցավ փառատոնի շրջանակում McLaren ծրագրի պաշտոնական բացումը:
Հոկտեմբերի 28-ին ժամը 15.00-ին Թատրոնի և կինոյի պետական ինստիտուտում կցուցադրվի ծրագրի առաջին մասը, իսկ արդեն հոկտեմբերի 30-ին Նարեկացի արվեստի կենտրոնում ժամը 13.00-ին և Թատրոնի և կինոյի պետական ինստիտուտում ժամը 15.00-ին կցուցադրվի ծրագրի երկրորդ մասը, ուր ներառված են 11 կարճամետրաժ անիմացիոն ֆիլմ:
Հայաստանում ցուցադրվելիք ֆիլմերի հեղինակներն են BAFTA մրցանակակիր Մայք Փլիզը, Օտավայի փառատոնի գլխավոր մրցանակակիր Ստեֆըն Իրվինը, 33 տարբեր մրցանակների արժանացած «Stanley Pickle» ֆիլմի հեղինակ Վիկտորիա Մաթերը և այլոք:
Նորման Մքլարենը հայտնի է իր աշխատանքում նորարար մոտեցմամբ : Աշխատել է Լոնդոնում, Նյու Յորքում, այնուհետև տեղափոխվել Կանադա: 1952 թվականին նրա «Հարևաններ» ֆիլմ արժանացել է Օսկար մրցանակի:
Լուսանկարը` www.mclaren2014.com
Լրացուցիչ տեղեկությունների համար դիմել Բրիտանական խորհրդի հայաստանյան մասնաճյուղի հանրային կապերի պատասխանատու Արևիկ Բադալյանին` 055 00 88 58, 010 55 29 45 (5104), arevik.badalyan@britishcouncil.am կամ այցելեք www.britishcouncil.am կայքը:
ՀԱՅԵՐԵՆ
Русский
English
Դաս. հայերեն
French
