ԱՐՄԵՆԱԼ-ին շնորհվել է Icon of Armenia 2014 կարգավիճակը
10-12-2014 11:27:24 | Հայաստան | Տնտեսություն
Երևան, 10 դեկտեմբերի 2014 թ. - Երևանի փայլաթիթեղագլանման ԱՐՄԵՆԱԼ գործարանը, որ UC RUSAL կազմի մեջ է, ճանաչվել է Հայաստանի խորհրդանիշներից մեկը: Icons of the World միջազգային մուլտիմեդիային նախագծի փորձագիտական խորհրդի որոշմամբ ԱՐՄԵՆԱԼ-ին շնորհվել է Icon of Armenia 2014 կարգավիճակը:
Ինչպես տեղեկացրեց նախագծի ղեկավար Դմիտրի Պուգաչովը, գործարանին կշնորհվի սերտիֆիկատ և Brand Book Armenia ընծայական հրատարակությունը:
Միջազգային Icons of the World նախագիծը հիմնադրվել է 2011 թ. հասարակական գործիչների, գիտնականների, արվեստաբանների կողմից և նվիրված է նշանակալի իրադարձություններին, կազմակերպություններին և անձանց, որոնք արժանի են կոչվելու իրենց երկրների խորհրդանիշներ:
Նախագծի կազմկոմիտեի նախագահը Ռուսաստանի Դաշնության խորհրդի անդամ, ակադեմիկոս Անդրեյ Խազինն է, նախագծի կազմակերպիչը՝ Kremlin Multiimedia ընկերությունը: