Վարչապետն ընդունել է Համաշխարհային բանկի ներկայացուցիչներին
10-12-2014 13:57:50 | Հայաստան | Տնտեսություն
Վարչապետ Հովիկ Աբրահամյանն ընդունել է Համաշխարհային բանկի պատվիրակությանը՝ ՀԲ երևանյան գրասենյակի տնօրեն Լորա Բեյլիի գլխավորությամբ:
Հանդիպման ընթացքում քննարկվել են ՀՀ տնտեսության ներկայիս վիճակին և զարգացման հեռանկարներին, ՀՀ դրամավարկային և հարկաբյուջետային քաղաքականությանը վերաբերող հարցեր: Երկուստեք կարևորվել է համաշխարհային ու տարածաշրջանային տնտեսական իրողություններին և միջազգային շուկայի փոփոխվող իրավիճակին համահունչ տնտեսական քաղաքականության իրականացումը և համապատասխան տնտեսական միջավայրի ձևավորումը:
Ըստ ՀՀ Կառավարության տեղեկատվության եւ հասարակայնության հետ կապերի վարչության մամլո հաղորդագրության, կողմերը ևս մեկ անգամ վերահաստատել են նշված ուղղություններով ՀՀ կառավարության և Համաշխարհային բանկի միջև համագործակցությունը շարունակելու պատրաստակամությունը:
ՀԱՅԵՐԵՆ
Русский
English
Դաս. հայերեն
French
