Բռնցքամարտիկների 21 օրյա ուսումնամարզական հավաքը Ծաղկաձորում

07-01-2015 12:19:42 | Կոտայքի մարզ | Սպորտ

Հայ բռնցքամարտիկներն արդեն իսկ սկսում են նախապատրաստվել մրցաշրջան 2015-ին , որը բավականին կարևոր է լինելու կաշվե ձեռնոցի հայ պատվիրակների համար:

Հայաստանի հավաքականի գլխավոր մարզիչ Դավիթ Թորոսյանի գլխավորությամբ, այսօր մոտ 35 բռնցքամարտիկներ մեկնեցին Ծաղկաձոր, որտեղ կանցկացնեն 21 օրյա ուսումնամարզական հավաք: Բռնցքամարտի Հայաստանի հավաքականի մարզչական շտաբը այս տարվա առաջին հավաքի ժամանակ շեշտը դնելու է բռնցքամարտիկների ֆիզիկական պատրաստվածությունը բարձրացնելու վրա:

Ավելի ուշ՝ հունվարի 16 –ին Կարեն Աղամալյանի ղեկավարությամբ Ծաղկաձոր կմեկնի նաև բռնցքամարտի Հայաստանի երիտասարդական հավաքականը:

Տեղեկացնենք, որ այս օերին Ծաղկաձորում ուսումնամարզական հավաք են անցկացնում նաև Ռուսաստանի և Բելոռուսիայի բռնցքամարտի հավաքականները:

Հարգանքով՝

Հայաստանի բռնցքամարտի ֆեդերացիայի

մամուլի ծառայություն

Նոյյան տապան - Սպորտ