Շախմատի միջազգային օրը նշվել է Ավան վարչական շրջանում
21-07-2015 17:55:11 | Հայաստան | Սպորտ
Երևանի քաղաքապետարանի «Երևանյան ամառ 2015» եռամսյա միջոցառումների ծրագրի շրջանակում շախմատի միջազգային օրվա առթիվ Ավան վարչական շրջանի Նարեկացի թաղամասի այգում կազմակերպվել են շախմատի, շաշկու և նարդու մրցաշարեր:
Մարզական միջոցառումներին մասնակցել են վարչական շրջանում բնակվող տասնյակ երեխաներ, ծնողներ, այլ բնակիչներ, ինչպես նաև Երևան քաղաքի ոստիկանության Ավան և Նոր Նորք վարչական շրջանների վետերանների խորհրդի անդամներ, ՀՀ ոստիկանության Երևան քաղաքի Նոր Նորք բաժնի անչափահասների բաժանմունքի պետն ու աշխատակիցները: Նարդու մրցաշարում հաղթող է ճանաչվել Նոր Նորքի վետերանների խորհրդի թիմը, շախմատի մրցաշարում` Նարեկացի թաղամասի թիմը, իսկ շաշկու մրցաշարում` Ավան վարչական շրջանի թիմը: Հաղթող թիմերը պարգևատրվել են Ավան վարչական շրջանի ղեկավարի պատվոգրերով և ստացել գավաթներ:
ՀԱՅԵՐԵՆ
Русский
English
Դաս. հայերեն
French
