Աբխազիայի և Հարավային Օսիայի քաղաքացիներն այսուհետ երկու մարզեր կուղևորվեն առանց մուտքի արտոնագրի
18-08-2015 14:19:31 | Վրաստան | Միջազգային
Աբխազիայի և Հարավային Օսիայի իշխանությունները համաձայնագիր են ստորագրել, որով երկու մարզերի քաղաքացիներին թույլատրվելու է փոխադարձ ուղևորություններ կատարել` առանց մուտքի արտոնագրի:
Այս մասին գրում է TASS.ru-ն` վկայաոչելով Աբխազիայի արտգործնախարարության մամլո ծառայությանը:
Գերատեսչության տեղեկացմամբ` վերոնշյալ փաստաթուղթը ստորագրվել է Ցխինվալում արտգործնախարարության պատվիրակության կատարած այցի ժամանակ:
Աբխազիայի փոխարտգործնախարար Օլեգ Արշբան նշել է, որ ստորագրված համաձայնագիրը նպաստելու է երկկողմ բարեկամական հարաբերությունների զարգացմանը, ինչպես նաև ամրապնդելու է երկու մարզերի միջև եղած տնտեսական, առևտրային, մշակութային և այլ կապերը:
ՀԱՅԵՐԵՆ
Русский
English
Դաս. հայերեն
French
