<<Լավագույն մարզական ընտանիք>> հանրապետական մրցույթում Երևանի թիմն առայժմ առաջատարն է
10-09-2015 16:19:33 | Կոտայքի մարզ | Սպորտ
Սեպտեմբերի 8-ի երեկոյան և 9-ին Ծաղկաձորի գլխավոր մարզաբազայում շարունակվել են ՀՀ նախագահի մրցանակի համար անցկացվող <<Լավագույն մարզական ընտանիք>> հանրապետական մրցույթի եզրափակիչ փուլի մրցումները: Երևանցի ընտանիքները հիմնականում Շիրակի, Կոտայքի ու Գեղարքունիքի մարզերի ներկայացուցիչների հետ դժվարին պայքարում նվաճել են երկու առաջին, երեք՝ երկրորդ և երեք՝ երրորդ տեղեր: Երեք մրցաձևերում խաղարկված 36 մրցանակներից 8-ը հենց երևանցիներին է բաժին հասել:
Սեպտեմբերի 10-ի երեկոյան հայտնի կդառնան մրցույթի բոլոր մրցանակակիրներն ու գավաթակիր մարզը: Այս պահի դրությամբ երևանցիներն առաջին տեղում են և երկրորդ տեղը զբաղեցնող շիրակցիներին գերազանցում են 103 միավորով:
Երևանյան թիմի մարզիչները հույս են հայտնել, որ երևանցի ընտանիքները կանեն հնարավորը, որպեսզի Հանրապետության նախագահի գլխավոր մրցանակը երկրորդ տարին անընդմեջ հանգրվանի Երևանի քաղաքապետարանում: Ծաղկաձորի գլխավոր մարզաբազայում երեկվանից սկսվել են նաև հաշմանդամություն ունեցող անձանց ընտանիքների մրցելույթները: Այս մրցույթում ևս առաջատարը երևանցիներն են:
ՀԱՅԵՐԵՆ
Русский
English
Դաս. հայերեն
French
