Նոյեմբերի 13-ից Թաիլանդը զբոսաշրջիկներին կտրամադրի վեցամսյա մուտքի արտոնագրեր
23-09-2015 13:13:03 | Թաիլանդ | Միջազգային
Թաիլանդը նոյեմբերի 13-ից զբոսաշրջիկներին կսկսի տրամադրել վեցամսյա մուտքի արտոնագրեր, որոնք վերջիններիս թույլ կտան թողնել երկիրը և առանց խոչընդոտների նորից հետ վերադառնալ նշված ժամանակահատվածում: Այս մասին գրում է tass.ru-ն` վկայակոչելով Թաիլանդի արտգործնախարարությանը:
Մուտքի արտոնագրերը կարժենան 5 հազար թաիլանդական բատ (մոտ 143 դոլար):
Բազմակի մուտքի արտոնագրերը թույլ կտան զբոսաշրջիկներին վեց ամսվա ընթացքում բազմաթիվ անգամ մուտք գործել երկրի տարածք 60 օր ժամկետով: Բոլոր երկրների քաղաքացիները նոյեմբերի 13-ից կարող են դիմել բազմակի տուրիստական արտոնագրերի համար: