Հունաստանի վարչապետն արգելել է նախարարներին ամեն օր ելույթ ունենալ հեռուստաեթերում
25-09-2015 16:40:54 | Հունաստան | Միջազգային
Հունաստանի վարչապետ Ալեքսիս Ցիպրասն արգելել է նախարարներին ամեն օր ելույթ ունենալ հեռուստաեթերում: Իր այս պահանջը նա հիմնավորել է նախարարական կաբինետի արդյունավետ աշխատանքի անհրաժեշտությամբ: Այս մասին գրում է lenta.ru-ն` վկայակոչելով Reuters-ին:
«Ես Ձեզ նախարար եմ նշանակել ոչ թե նրա համար, որ Դուք ելույթներ ունենաք հեռուսաալիքներով, այլ` որպեսզի կառավարեք երկիրը և լուծեք ժողովրդի խնդիրները»,- կառավարության նիստում հայտարարել է Ա. Ցիպրասը :
Նա նշել է, որ խոսնակների պարտականությունները լավագույն իրականացնում են պատգամավորները կամ կառավարության պաշտոնական ներկայացուցիչները:
«Խոսքերի փոխարեն Ձեր մասին լավագույնս կպատմեն Ձեր գործերը»,- նկատել է նա:
ՀԱՅԵՐԵՆ
Русский
English
Դաս. հայերեն
French
