Տարեսկզբից Եվրոպա գաղթած միգրանտների թիվն անցնում է 520 հազարից
29-09-2015 14:06:32 | Հունաստան | Միջազգային
Տարեսկզբից Միջերկրական ծովով դեպի Եվրոպա է գաղթել 522134 միգրանտ:
Այս մասին գրում է tass.ru-ն` վկայակոչելով Ժնևում Միգրացիայի միջազգային կազմակերպությանը:
Ամենաշատ միգրանտներ ընդունել է Հունաստանը` մոտ 388324 մարդ: Իտալիա են ժամանել 130891 մարդ: Հունաստան ժամանած միգրանտների մեծամասնությունը սիրիացիներ և աֆղանցիներ են, իսկ Իտալիայում` էրիթրեացիներ և նիգերյացիներ:
Միգրացիայի միջազգային կազմակերպության տվյալներով` սեպտեմբերի 17-ից սկսած Եվրոպայում միգրանտների թիվն ավելացել է մոտ 49 հազար մարդով: 2892 մարդ էլ զոհվել է ծովով Հին Աշխարհ հասնելու փորձի ժամանակ: