Լիբանանյան օդանավակայանում ձերբակալված սաուդյան արքայազնը փորձել է երկու տոննա թմրանյութ տեղափոխել
26-10-2015 18:09:45 | Լիբանան | Միջազգային
Լիբանանում թմրանյութեր տեղափոխելու կասկածանքով բերման է ենթարկվել սաուդյան արքայազն Աբդել Մոհսենա բեն Վալիդ բեն Աբդել Ազիզին: Այս մասին գրում է lenta.ru-ն` վկայակոչելով Press TV-ին:
Աղբյուրի տեղեկացմամբ` միջադեպը տեղի է ունեցել Բեյրութի միջազգային օդանավակայանում: Արքայազնի մոտ հայտանաբերվել է 24 արկղ և 7 ճամպրուկ, որոնք լցված են եղել Captagon-ի հաբերով` ընդհանուր մոտ 2 տոննա քաշով: Ինչպես տեղեկացրել է տեղի ոստիկանությունը, սա եղել է բեյրության օդանավակայանի պատմության մեջ առգրաված թմրանյութերի ամենախոշոր բեռը:
Աբդել Մոհսենա բեն Վալիդի հետ ձերբակալվել է ևս չորս մարդ: Հետաքննությունը պարզել է, որ սաուդյան արքայազնը մտադիր է եղել իր համախոհների հետ թմրանյութը մասնավոր ինքնաթիռով տեղափոխել Սաուդյան Արաբիա
ՀԱՅԵՐԵՆ
Русский
English
Դաս. հայերեն
French
