Սիրիայում գրանցվել է խոլերայից մահվան առաջին դեպքը
27-10-2015 19:15:37 | Սիրիա | Միջազգային
Նախնական թեստերը հաստատել են սիրիական Հալեպ քաղաքում խոլերայից մահացության առաջին դեպքը՝ ճեպազրույցում հայտարարել է Առողջապահության համաշխարհային կազմակերպության մամլո քարտուղար Քրիստիան Լինդմայերը՝ փոխանցում է RIA Novosti-ն։
«ԱՀԿ-ն ստացել է տվյալներ Սիրիայում խոլերայի առկայության կասկածների վերաբերյալ։ Խոսքը 5-ամյա մահացած երեխայի մասին է։ Նախնական թեստերը, որոնք չեն երաշխավորում 100-տոկոսանոց արդյունք, ցույց են տվել վիրուսի առկայությունը։ Սակայն անհրաժեշտ են հետագա ստուգումներ։ Դա տեղի է ունեցել Հալեպում՝ Սիրիայի հյուսիսային մասում»,- ասել է նա։
Լինդմայերը հավելել է, որ ներկայումս Հալեպում աշխատում են մասնագետներ, ովքեր հետաքննում են վարակման պատճառներն ու հնարավոր հետևանքները։
ՀԱՅԵՐԵՆ
Русский
English
Դաս. հայերեն
French
