Ավստրիան որոշել է Սլովենիայի հետ սահմանին կառուցել հակափախստական պատ
28-10-2015 16:22:44 | Ավստրիա | Քաղաքական
Ավստրիան Սլովենիայի հետ ունեցած սահմանին պատ կկառուցի միգրացիոն հոսքը թուլացնելու համար: Այս մասին գրում է lenta.ru-ն` վկայակոչելով Burgenländische Volkszeitung-ին:
Աղբյուրի տեղեկացմամբ` այդ մասին հայտարարել է Ավստրիայի ներքին գործերի նախարար Յոհաննա Միքլ-Լեյտները:
Ըստ նրա` պատի կառուցմն անհրաժեշտ է, որպեսզի փախստականների կողմից սահմանի հատումն իրականացվի քաղաքակիրթ ձևով և վերահսկելի լինի:
Նրա պնդմամբ` խոսքը սահմանը փակելու մասին չէ:
Միքլ-Լեյտների խոսքերով` վերջին շրջանում Սլովենիայի և Ավստրիայի միջև եղած սահմանը հատելու ընթացքում փախստականներն իրենց բավականին ագրեսիվ ձևով են դրսևորել:
Նշվում է, որ պատի կառուցման աշխատանքները սկսելու ժամկետը դեռևս չի հստակեցվել:
ՀԱՅԵՐԵՆ
Русский
English
Դաս. հայերեն
French
