Անասնաբուժական կենտրոնական լաբորատորիան կնպաստի սննդամթերքի ոլորտում վերահսկողությունն ուժեղացնելուն
30-10-2015 15:01:47 | Հայաստան | Տնտեսություն
ՀՀ ԳՆ սննդամթերքի անվտանգության պետական ծառայության պետ Արմեն Հայրապետյանը հոկտեմբերի 29-ին հանդիպել է ԱՄՆ պաշտպանության դեպարտամենտի սպառնալիքների նվազեցման գործակալության (DTRA) ղեկավար Մայոր Էրիկ Լարսենի, հայաստանյան ծրագրի նոր ղեկավար Մայոր Մեթյու Փոուփի հետ:
Ծառայության պետը, ողջունելով հյուրերին, բարձր է գնահատել DTRA-ի գործունեությունն ու գործակալության կողմից մեր երկրում իրագործվող ծրագրերը՝ առանձնացնելով կենտրոնական անասնաբուժական լաբորատորիայի կառուցումը: Ըստ այդ ծրագրի՝ ՍԱՊԾ-ն առաջիկայում Ավանում կունենա կենտրոնացված, նորագույն սարքավորումներով հագեցած և բարձր որակավորում ունեցող մասնագետներով համալրված անասնաբուժական լաբորատորիա, որը կնպաստի ոլորտում վերահսկողությունն ուժեղացնելուն:
Խոսելով լաբորատոր ախտորոշման կարևոր նշանակության մասին՝ կողմերը քննարկել են հանրապետության լաբորատորիաները օպտիմալացնելու և աշխատանքի արդյունավետությունը բարձրացնելու հարցը: Այդ նպատակով Ծառայությունը, որպես առաջին քայլ, անձնագրավորել է հանրապետության բոլոր լաբորատորիաները՝ այդ թվում և մարզային, գնահատել առկա իրավիճակն ու ռեսուրսները:
Հանդիպման ընթացքում քննարկվել են բրուցելոզի դեմ պայքարի ու կանխարգելման, ինչպես նաեւ գյուղատնտեսական կենդանիների համարակալման ծրագրերի շրջանակներում համագործակցության հնարավորությունները, ինչպես նաև նախանշվել փոխգործակցության հեռանկարային ուղղությունները:
ՀԱՅԵՐԵՆ
Русский
English
Դաս. հայերեն
French
