Սաուդյան Արաբիայի ոստիկանությունը առգրավել է 48 հազար Heineken գարեջրի շիշ, որոնց վրա փակցված են եղել «Պեպսի» զովացուցիչ ըմպելիքի պիտակներ:
Ինչպես տեղեկացնում է gazeta.ru-ն` վկայակոչելով Al Arabiya-ին, մաքսանենգությունը բացահայտվել է Արաբական Միացյալ Էմիրությունների (ԱՄԷ) և Սաուդյան Արաբիայի սահմանին, որտեղ խմիչքի օգտագործումը պաշտոնապես արգելված է։
Մաքսային ծառայության պետ Աբդուրահման ալ-Մանհանի փոխանցմամբ` տարաներով լի բեռնատարի մաքսային ստուգման արդյունքում գազավորված խմիչքի տեսք ունեցող տարաներում հայտնաբերվել է գարեջուր, իսկ դրանց վրա պարզապես փակցված են եղել «Պեպսի»-ի պիտակներ։
Նա նշել է նաև, որ մաքսանենգները դիմում են նորանոր մեթոդների, սակայն ծառայության աշխատակիցերը պատրաստ են դիմագրավելու ցանկակած մարտահրավերների։