Ուկրաինան վերջնականապես հրաժարվել է ռուսական էլեկտրաէներգիայից
13-11-2015 14:38:31 | Ուկրաինա | Քաղաքական
Ուկրաինան վերջնականապես հրաժարվել է Ռուսաստանից ներմուծվող էլեկտրաէներգիայից:
Ինչպես տեղեկացնում է gazeta.ru-ն` վկայակոչելով «Укрэнерго» պետական հանձնաժողովին, երկրի էլեկտաէներգիայի պահանջներն ամբողջությամբ բավարարվելու են սեփական հզորությունների օգնությամբ:
Նշվում է, որ երկրի իշխանությունները ռուսական էլեկտրաէներգիայից կարողացան հրաժարվել 750 կ/վ հզորությամբ Ռովնո-Կիև էլեկտրակայանի կառուցումն ավարտելուց հետո:
Այդ հոսքագիծը Ռովնոյի ատոմակայանը, որի էներգաբլոկներից մեկն անջատվել էր վերանորոգման պատճառով, կապում է Կիևի հետ:
Ներկայումս վերանորոգման հետ կապված բոլոր աշխատանքներն ավատրվել են, այդ իսկ պատճառով ատոմակայանի վրայից հանվել են բոլոր սահմանափակումները, իսկ նոր էլեկտրաէներգիայի մատակարաման կայանները թույլ կտան սեփական հոսանքով ապահովել Կիևի, Չերկասի, Ժիտոմիրսկի և Չերնիգորսկի շրջաններին:
Ավելի վաղ հաղորդվել էր, որ Ուկրաինան ռուսական հոսանքից կհրաժարվի ուրբաթ 13-ին: